Blog

Kultura idatzia da gure gizarte libre eta demokratikoaren euskarrietako bat. Hala, kultura idatziaren jasangarritasuna funtsezkoa da bizi garen inguruneak oinarri dituen balioak babesteko. Eta egile-eskubideak jasangarritasun hori bermatzen du; izan ere, jabetza intelektuala da egile, editore, kazetari eta itzultzaileei beren lana segurtasunez egitea eta lan horren ordain ekonomiko justua jasotzea bermatzen diena. 

Horrela izan dadin, ordea, herritarrek egile-eskubideei buruzko prestakuntza egokia jaso behar dute, jakiteko obrak nola babesten diren eta zer baldintzatan erabil daitezkeen. Prestakuntza horrek, sortzaileei babesa emateaz gainera, lagundu egiten du gizarteak kultura idatziaren gaineko kontzientzia, ardura eta konpromiso sendoagoa izan dezan. 

Zergatik da garrantzizkoa jabetza intelektualaren arloko prestakuntza? 

Gaur egungo testuingurua digitalizazioak eta edukien berehalako eskuragarritasunak markatuta dago, eta, egoera horretan, jabetza intelektualari buruzko prestakuntza oinarri-oinarrizkoa da sortzaileei nahiz erabiltzaileei segurtasuna emateko. Egile-eskubideen berri izateak aukera ematen du obrak baimendu gabeko erabileretatik legez babesteko, baita edukien ustiapen ekonomikoari buruzko erabaki informatuak hartzeko ere.  

Ingurune digitaletan eta hezkuntzakoetan materialak erabiltzeak atxikita dituen inplikazioak ulertuta, aurrea har dakieke gatazka legalei, eta, aldi berean, ingurune egonkor bat bermatzen die obren titularrei. Hezkuntzaren arloak edo arlo profesionalek egile-eskubideekiko errespetuzko kultura sustatzeak hainbat onura dakarzkie ikasleei:  

• Herritartasun digitala. Ikasleak barneratzen duenean sorkuntza-lan bakoitzaren atzean zer-nolako ahalegina dagoen, obra bat sinatzeak zer dakarren eta zergatik ezin diren obrak libreki kopiatu edo partekatu, herritartasun kulturalean trebatzen ari da.  
• Kulturaren jasangarritasuna. Egile-eskubideei buruzko prestakuntza jasotzeak berekin dakar ulertzea liburu, artikulu, aldizkari edo partitura baten atzean lan intelektual bat dagoela eta lan horrek aitortza eta babesa merezi dituela. Era berean, erakusten du edukiak baimendu gabeko moduetan kontsumitzeak zuzenean kalte egiten diola kulturaren jasangarritasunari. 
• Sormena. Prestakuntza jarraituak sormena zaindu beharreko ondasuntzat duen kultura sendotzen laguntzen du. 

Eduki horietan sakondu nahi baduzu, zalantzak argitu nahi badituzu eta ikasmailen arabera egokituriko baliabideetarako sarbidea izan nahi baduzu, Egile Eskubideen Eskolak (EEE) egile-eskubideetan espezializaturiko online prestakuntza eskaintzen du.

Sartu EEEra, eta hasi gaur bertan prestakuntza jasotzen.